Qanlıkól rayonında “Jasıl mákan” ulıwma milliy joybarı sheӊberinde usı jıldıń báhár máwsiminde isleniwi tiyis wazıypalarǵa baǵıshlanǵan ilaj ótkerildi.

Ilajǵa rayon hákimi hám orınbasarları, tiyisli mákemelerdiń basshıları, fermerler hám shólkem qánigeleri qatnastı.
Rayon hákimi B.Sultanov, Qaraqalpaqstan Respublikası Salıq basqarmasınıń baslıǵı X.Bekchanov, rayonda birinshi gezekte xalıqaralıq dárejedegi A-380 “Gúzar-Buxara-Nókis-Beynew” avtomobil jolınıń 31 kilometrlik aralıǵınıӊ hár eki tárepine terek egiw jumısların ámelge asırıw dawam etiwi kerek ekenligin atap ótip, bul baǵdarda islenetuǵın ilajlar boyınsha kórsetpeler berildi.
Bunnan basqa, máhálleler aymaǵın abadanlastırıw, fermerlerdiń atız shetlerine nál egiw, jeke menshik qıytaq jerler menen turaq jaylardıń átirapların tártipke keltiriw boyınsha ilajlar belgilendi.

Qaraqalpaqstan xabar agentligi.