Málim bolǵanınday, 2001-jılı dúzilgen Shanxay birge islesiw shólkemi (ShBSh)niń tiykarǵı maqseti ekonomikalıq birge islesiwdi rawajlandırıw, qáwipsizlikti támiyinlew hám mádeniy almasıwlardı kúsheytiw bolıp tabıladı.

Ózbekstan shólkemge aǵza bolǵan dáslepki mámleketlerden biri esaplanadı. Ótken jıllar dawamında mámleketimiz regionallıq turaqlılıq hám qáwipsizlikti támiyinlewde áhmiyetli orın iyelep kelmekte. Respublikamızdıń geosiyasiy jaylasıwı ShBSh ushın strategiyalıq áhmiyetke iye. Sebebi, Oraylıq Aziyanıń júreginde jaylasqan diyarımız transport-logistika baǵdarın rawajlandırıw ushın júdá qolaylı mánzil.
Ózbekstan ShBSh sheńberinde turaqlı áhmiyetli baslamalardı alǵa qoyıp keledi. Máselen, mámleket terrorizmge hám náshebentlik zatlardıń nızamsız aylanısına qarsı gúresiwshi strukturalardı kúsheytiw hám ekonomikalıq birge islesiwdi rawajlandırıw baǵdarında jedel jumıs alıp barmaqta. Sonday-aq, óz resursları menen aǵza mámleketler energetika qáwipsizligin támiyinlewge umtılıp atır.
Еkonomikanı diversifikaciyalaw, investiciya tartıw, eki hám kóp tárepleme sawda baylanısların kúsheytiw maqsetinde bir neshe joybar ámelge asırılmaqta. Transport infrastrukturası, energiya támiynatı tarawındaǵı birge islesiw kún sayın keńeymekte.
Juwmaqlap aytqanda, ShBSh maydanında ózine tán statusına iye Ózbekstan regionallıq turaqlılıqqa múnásip úles qospaqta. Mámleketimiz xalıqaralıq qatnasıqlarda belsene qatnasıp, ekonomikalıq-sociallıq rawajlanıwdı támiyinlew ushın zárúr sharayat jaratıwǵa úles qospaqta. Bunday háreketler elimizdiń regionallıq siyasattaǵı áhmiyetli ornın jáne bir márte tastıyıqlaydı.

ÓzA