Qubla Koreya sudı Prezident Yun Sok Yoldı qamaqtan azat etti. Bul haqqında «Yonhap» málimleme agentligi xabar berdi.

Fevral ayında mámleket basshılarınıń tárepdarları Seul oraylıq okruglik sudına shaǵım menen múrájat etken edi. Nátiyjede sud qolǵa alıw ámeliyatın nızamsız, dep tapqan.
Advokat Sok Don Xyonnıń túsindiriwinshe, puqaralardıń appelyaciya beriw imkaniyatınan paydalanıw múddeti tamamlanbaǵansha, Prezident qoyıp jiberilmeydi.
– Sudtıń qamaqqa alıw tártibin biykar etiw haqqındaǵı qararına qaramastan tutqın dárhal bosatılmaydı, – deydi Sok Don Xyon. – Oraylıq rayon prokuraturası jeti kún ishinde appelyaciya beriwi múmkin. Qashan usınday shaǵım biykar etilse yamasa tiyisli huqıqtan waqtında paydalanbasa, siyasatshı erkinlikke shıǵarıladı.
15-yanvar kúni Joqarı dárejedegi hámeldarlar ushın korrupciyaǵa qarsı tergew basqarması Prezident Yun Sok Yoldı áskeriy jaǵday engiziw arqalı konstituciyalıq strukturaǵa qarsı bas kóteriwde ayıplap, paytaxttaǵı rezidenciyasında qamaqqa alǵan. Seul batıs okruglik sudı bolsa mámleket basshısın uslap turıw haqqındaǵı qarardı 19-yanvar kúni shıǵarǵan.

M.Pirmatova, ÓzA