Jáhán ekonomikası hám diplomatiya universitetinde Shanxay birge islesiw shólkemi Bas xatkeri Nurlan Ermekbaev penen ushırasıw bolıp ótti.

Dógerek sáwbetinde Prezident Administraciyası wákilleri, Sırtqı isler ministrliginiń juwapkerleri, elimizde akkreditaciyadan ótken diplomatiyalıq wákilxanalar hám xalıqaralıq shólkemlerdiń basshıları, sonday-aq, JЕDU professor-oqıtıwshıları hás studentleri qatnastı.
Ózbekstan Respublikası Oliy Majlisi Senatı Baslıǵınıń birinshi orınbasarı, Universitet rektorı Sodiq Safoev ilajdı ashıp, ShBSh aymaǵında dúnya xalqınıń 40 procentten aslamı jasaytuǵını, global jalpı ishki ónimniń sherek bóleginen kóbi struktura quramındaǵı ellerge tuwra keletuǵınına itibar qarattı. Usı kózqarastan «ShBSh shańaraǵı» birligi nátiyjesinde júzege kelip atırǵan imkaniyatlardan tolıq paydalanıw hám birgelikte rawajlanıw principin izbe-iz túrde turmısqa asırıw múmkin ekenin atap ótti.
Pikir alısıw dawamında ShBSh sheńberindegi ekonomikalıq birge islesiw, regionallıq qáwipsizlik, mádeniy-gumanitarlıq baylanıslarǵa baylanıslı áhmiyetli máseleler kóterildi.
Qızıqlı sóylesiw juwmaǵında studentler hám oqıtıwshılardıń sorawlarına juwap berip, Nurlan Ermekbaev óz tájiriybesinen kelip shıǵıp, jas qánigeler xalıqaralıq birge islesiwdi rawajlandırıwǵa qanday úles qosıwı múmkin ekeni haqqında pikirleri menen ortaqlastı.

Musulman Ziyo, Otabek Mirsoatov (foto) ÓzA