8-mart – Xalıqaralıq hayal-qızlar kúni múnásibeti menen orınlarda ótkerilip atırǵan bayram ilajları dawam etpekte.

Qanlıkól rayonındaǵı payızlı orınlardıń birinde usı bayramǵa baǵıshlanǵan saltanatlı bayram ilajları bolıp ѳtti. Bayram keshesine rayon hákimi B.Sultanov, nuranıy analarımız hám hayal-qızlar qatnasıp, ilajda rayon hákimi shıǵıp sóylep, bayram menen bárshe hayal-qızlarımızdı qızǵın qutlıqlap, olardıń hár qıylı tarawlarda pidayı miynet etip, óz xızmetleri menen jámiyetimizdiń rawajlanıwına qosıp atırǵan úleslerin ayrıqsha atap ótti.
Atap ótilgenindey, jasarıw, janalanıw hám báhár tımsalı bolǵan qádirdan analarımız benen qızlarımızdıń bayramı, olardıń miynetlerin ulıǵlaw menen ullı sanaladı. Rayonda ótkerilgen bayram keshesinde barlıq tarawlardaǵı hayal-qızlardıń miynetleri joqarı bahalandı.
Payızlı dasturxan átirapında hajı analar, hayal-qızlar jám bolıp, bayram quwanıshların ortaqlastı.
Qanlıkól rayonı hákimligi hám rayonlıq Mádeniyat bólimi, sonday-aq, xalıq talantlıları tárepinen bayramǵa baǵıshlanıp ótkerilgen koncert baǵdarlaması jıynalǵanlarǵa zawıq baǵıshladı.
“Álemge nur taratar – Ana mehri” atamasındaǵı hayal-qızlar bayramı múnásibeti menen ótkerilgen ilajlar hár qıylı oyın zawıqlar menen dawam etti.

Qaraqalpaqstan xabar agentligi