Óziniń sheksiz mehir-muhabbatı hám pidayılıǵı, sabır-taqatı menen shańaraqlarda, sonıń menen birge, pútkil jámiyetimizde tınıshlıq, tatıwlıq hám awızbirshilikti saqlap, perzentlerimizdi márt, kámil insan etip tárbiyalap atırǵan hayal-qızlarımızdıń xalıqaralıq bayramı Kegeyli rayonında da keń túrde belgilenip ótildi.

Ilajda rayon hákimi Aybek Kamalov barlıq analarımız hám hayal-qızlarımızdı bayram menen qutlıqlap, sońǵı jılları elimizde Prezidentimizdiń basshılıǵında hayal-qızlarǵa qaratılıp atırǵan itibar hám ǵamqorlıqlardı keń túrde atap ótti. Sonıń menen birge, rayon hayal-qızlarınıń xalıq xojalıǵınıń túrli tarawlarında erler menen bir sapta turıp miynet etip, ózleriniń pidákerlik xızmetleri menen jámiyetimizdiń rawajlanıwına qosıp atırǵan úleslerin joqarı bahaladı.
Keshede ózlerine júklengen juwapkerli wazıypalardı inabat penen atqarıp kiyatırǵan bir qatar hayal-qızlar rayon hákimligi atınan Húrmet jarlıǵı menen sıylıqlanıp, bayram qatnasıwshılarına estelik sawǵaları tapsırıldı.
Keshe rayonlıq mádeniyat bólimi xızmetkerleri tárepinen tayarlanǵan koncert baǵdarlaması menen dawam etti.

Adilbay Orazov,
Qaraqalpaqstan xabar agentligi sholıwshısı.