Mámleketimizde tarawlardı hár tárepleme rawajlandırıwda sırt mámleketlerden investiciyalardı jedel tartıw procesine úlken itibar qaratılmaqta. Bunday jumıslar mámleketimizdiń barlıq aymaqlarında ámelge asırılmaqta.

Ellikqala rayonında da bunday investiciyalıq joybarlar ushın qolaylı imkaniyatlar bar. Qıtay Xalıq Respublikasınıń “Liay diea lik” kompaniyası direktorı Xou Xiao Long basshılıǵında bir topar investorlar usı aymaqqa keldi.
Rayon hákimi V.Niyazımbetov investorlar menen ushırasıw ótkerdi,- dep málimleme beredi Ellikqala rayonı hákimligi málimleme xızmeti bólimi.
Ushırasıwda bir qatar usınıslar bildirildi. Sonday-aq, investiciyalıq joybarlardı ámelge asırıw boyınsha pikirler alısıldı.

Qaraqalpaqstan xabar agentligi