Oliy Majlis Senatında Vetnam Socialistik Respublikası sırtqı isler ministriniń orınbasarı Le Txi Txu Xang basshılıǵındaǵı delegaciya menen ushırasıw ótkerildi.

Senat Baslıǵınıń birinshi orınbasarı Sodiq Safoev penen ushırasıw waqtında Ózbekstan hám Vetnam arasındaǵı birge islesiwdi keńeytiw máseleleri dodalandı.
Atap ótilgenindey, Ózbekstan Vetnamı Qubla-Shıǵıs Aziyadaǵı áhmiyetli hám isenimli birge islesiwshileriniń biri sıpatında kóredi. Eki mámleket arasındaǵı baylanıslar, sonıń ishinde, siyasiy, sawda-ekonomikalıq, investiciya hám mádeniy-gumanitarlıq tarawlarda úlken imkaniyatqa iye ekeni atap ótildi.
Eki mámleket arasındaǵı baylanıslardı rawajlandırıwda parlament diplomatiyasınıń, sonıń ishinde, Senattıń roli artıp atırǵanı atap ótildi.
Usı jıldıń 5-9-aprel kúnleri Tashkent qalasında bolıp ótetuǵın Parlamentleraralıq awqamnıń 150-yubiley assambleyasında Vetnam parlamenti basshıları da qatnasıwǵa úlken qızıǵıwshılıq bildirgeni aytıp ótildi.
Ushırasıw sońında tárepler Ózbekstan hám Vetnam arasındaǵı birge islesiwdi rawajlandırıw boyınsha konstruktivlik sóylesiw hám birgeliktegi baslamalardı qollap-quwatlawǵa tayar ekenin bildirdi.

N.Abduraimova, ÓzA