Qaraqalpaqstan Respublikası Densawlıqtı saqlaw ministrligi tárepinen medicina tarawında xalıqaralıq birge islesiwlerdi jolǵa qoyıw hám sırt el tájiriybesin elimizge alıp kiriw boyınsha bir qatar unamlı ilajlar ámelge asırılmaqta.

Ótken jılı Respublikalıq qánigelestirilgen Ana hám bala salamatlıǵı ilimiy-ámeliy medicina orayı Qaraqalpaqstan filialında sanlastırıw xalıqaralıq joybarı sheńberinde Qaraqalpaqstan Respublikası Densawlıqtı saqlaw ministrligi hám «ACRYL» Qubla Koreya kompaniyası menen óz-ara kelisim memorandumına qol qoyılǵan edi.
Usı memorandumǵa tiykarlanıp «ACRYL» Qubla Koreya kompaniyası direktorınıń orınbasarı Shin xanım Qaraqalpaqstan Respublikası Densawlıqtı saqlaw ministrligine kelip óz-ara sóylesiwler alıp barıldı.
Bul ushırasıwda Densawlıqtı saqlaw ministri M.Kurbanov kelgen miymanlar menen qospa joybardıń áhmiyetin atap ótip, qarjılandırıw máseleleri boyınsha sóylesiwler alıp bardı.

Qaraqalpaqstan xabar agentligi.