8-mart – Xalıqaralıq hayal-qızlar kúni bayramı múnásibeti menen orınlarda tańlawlar, ushırasıwlar hám basqa da hár qıylı kewilashar ilajlar shólkemlestirilmekte.

Ájiniyaz atındaǵı Nókis mámleketlik pedagogikalıq institutı Fizika-matematika fakultetinde de usı bayram múnásibeti menen «Báhár malikası» tańlawı bolıp ótti.
Tańlawǵa fakultette oqıp atırǵan 1-2-kurs student-qızlar qatnastı.
Olar tańlawda ana haqqında monolog oqıw, saxnalıq kórinis hám báhár máwsimine say salatlar tayarlaw sıyaqlı shártler boyınsha óz-ara jarısıp, qábiletleri menen sheberliklerin kórsetti.
Tańlaw juwmaǵında qatnasıwshılar tóreshiler quramı aǵzaları tárepinen hár qıylı nominaciyalar boyınsha jeńimpaz dep tabılıp, olarǵa diplom hám sawǵalar tapsırıldı.

Qaraqalpaqstan xabar agentligi