Beruniy rayonında 8-mart Xalıqaralıq hayal-qızlar kúni múnásibeti menen «Hayal-qızlarǵa húrmet» atamasında bayram ilajı bolıp ótti.

Ilajdı rayon hákiminiń birinshi orınbasarı U.Matirzaev qutlıqlaw sózi menen ashtı. Rayon hákiminiń orınbasarı, shańaraq hám hayal-qızlar bóliminiń baslıǵı S.Kozieva barlıq hayal-qızlardı bayram menen qutlıqladı, – dep maǵlıwmat beredi Beruniy rayonı hákimligi málimleme xızmeti bóliminiń baslıǵı A.Urazova.
Mámleketimiz basshısınıń basshılıǵında hayal-qızlardıń huqıqları menen nızamlı máplerin qorǵaw, gender teńligin támiyinlew, analıq hám balalıqtı qorǵaw, hayal-qızlar isbilermenligin qollap-quwatlaw, olar ushın jumıs orınların jaratıw, miynet hám turmıs sharayatların jaqsılaw boyınsha úlken jumıslar ámelge asırılmaqta.
Tarawlarda pidákerlik penen miynet etip atırǵan bir topar hayal-qızlar rayon hákimligi tárepinen múnásip sıylıqlandı.
Ózbekstan mámleketlik filarmoniyası Qaraqalpaqstan bóliminiń dóretiwshilik toparı hám qosıqshılarınıń atqarıwındaǵı túrli millet hám xalıq wákilleriniń qosıq hám ayaq oyınları bayram ilajına ózgeshe zawıq baǵıshladı.

Qaraqalpaqstan xabar agentligi