Taxtakópir rayonı Mádeniyat orayında rayonlıq Mektepke shekemgi hám mektep bilimlendiriwi bólimine qaraslı ulıwma orta bilim beriw mektepleri oqıwshıları arasında, «Teatr-ibratxanadur» súreni astında «Turan mektep teatrı» tańlawınıń rayonlıq basqıshı ótkerildi

Tańlawǵa rayon aymaǵındaǵı mekteplerdiń kórkem ónerge ıqlası kúshli oqıwshılarınan ibarat 20 komanda qatnastı.
Olar tańlawdı ótkeriw tártibine tiykarlanıp eki shárt boyınsha óz-ara jarıstı.
Qızıqlı ótken tańlaw juwmaǵında, birinshi orındı 3-sanlı mekteptiń oqıwshıları iyelewge miyasar boldı hám jarıstıń Qaraqalpaqstan Respublikalıq basqıshına jollamanı qolǵa kirgizdi. Al, sıylı ekinshi hám úshinshi orınlardı 2-7-sanlı ulıwma orta bilim beriw mektepleriniń jas talantları iyelewge eristi.
Tańlaw sońında jeńimpaz komandalar shólkemlestiriwshiler tárepinen tayarlanǵan arnawlı diplom hám estelik sawǵalar menen sıylıqlandı.

Adilbay Orazov,
Qaraqalpaqstan xabar agentligi sholıwshısı.