«Ózbekneftgaz» AJ málimleme xızmetiniń xabar beriwinshe, usı kúnlerde Baku qalasında neft hám gaz tarawında sanlastırıw, sanaat qáwipsizligi hám satıp alıwlar temasında xalıqaralıq konferenciya bolıp ótpekte.

Onda regionnıń iri neft hám gaz kompaniyalarınıń basshıları qatnaspaqta.
Konferenciya sheńberinde 4-mart kúni Ázerbayjan Respublikası Prezidenti Ilham Aliev neft hám gaz kompaniyalarınıń basshıların qabılladı.
Ushırasıwda Ózbekstan hám Ázerbayjan arasındaǵı strategiyalıq sheriklik jedel rawajlanıp atırǵanı atap ótilip, tarawdaǵı joybarlardı keńeytiw máselesine ayrıqsha itibar qaratıldı.
Sóylesiw barısında kóp tárepleme birge islesiwdiń strategiyalıq áhmiyeti atap ótildi. Óndirislik hám texnologiyalıq joybarlardı engiziw, sonday-aq, energetika tarawında texnologiyalıq avariyalardıń aldın alıw hám sanaat qáwipsizligin támiyinlew máseleleri dodalandı.
Xalıqaralıq konferenciya dawamında neft hám gaz tarawın sanlastırıw, qáwipsizlikti kúsheytiw hám avariyalardıń aldın alıwǵa qaratılǵan bir qatar kelisimlerge qol qoyıldı.
Atap ótilgenindey, bul kelisimler tarawǵa zamanagóy texnologiyalardı engiziw hám jańa basqıshqa alıp shıǵıwǵa xızmet etedi.

N.Ziyodullaeva tayyorladi, ÓzA