Ózbekstan Respublikası Ministrler Kabinetiniń 2025-jıl 28-fevralda «Taw-kán sanaatı hám geologiya tarawın qadaǵalaw inspekciyasınıń jumısın shólkemlestiriw ilajları haqqında»ǵı qararı qabıl etildi.

Qararǵa muwapıq, paydalı qazılmalardı qazıp alıw ushın paydalanıwǵa berilgen jer astı uchastkalarında marksheyderlik ólshemleri birden-bir shártli koordinatalar sisteması – 1984-jılǵı xalıqaralıq geodeziyalıq sistema tiykarında ámelge asırıladı. Sonday-aq, paydalı qazılmalar kólemi boyınsha esabatlardı rásmiylestiriw hám tapsırıw tártibi jetilistiriledi.
Inspekciya quramında Áskeriylestirilgen kán-qutqarıw bólegi shólkemlestirilip, onıń tiykarǵı wazıypalarınıń qáwipsizligin támiyinlew, ayrıqsha jaǵdaylardıń aldın alıw hám operativ qutqarıw jumısların alıp barıwdan ibarat boladı.
Bul ilajlar geologiya hám taw-kán sanaatı tarawında ashıq-aydınlıqtı arttırıw, nızamlılıqtı támiyinlew hám jer astınan aqılǵa uǵras paydalanıw mexanizmlerin bekkemlewge qaratılǵan.

N.Ziyodullaeva, ÓzA