Moynaq rayonı sektor basshıları hám mákeme, kárxana baslıqları tárepinen rayon turǵınların qıynap kiyatırǵan mashqalalardı úyreniw, tek ǵana múrájatlerin tıńlap qoymastan, olardı óz ornında unamlı sheshiw ilajların kóriw maqsetinde qabıllaw ótkerildi.
Álbette, mámleket hám puqara arasındaǵı baylanıs qansha dárejede ashıq bolsa, mashqalalar sonsha tez hám nátiyjeli sheshiledi. Bul usı bolıp ótken puqaralar qabıllawında jáne bir márte kózge taslandı.
Qabıllawǵa qatnasqan puqaralardıń kimisi jumıs penen támiyinlew, jáne birewi isbilermenlik jumısın keńeytiw, ayırımları salamatlıǵın tiklew, jáne basqası kommunal tarawı boyınsha mashqalalarına sheshim izlep keldi.
Qabıllaw dawamında sektorlar basshıları hám mákeme, kárxana baslıqları tárepinen ayırım múrájatlerge huqıqıy túsinikler berilip, olardıń óz huqıqların biliwine járdem berildi. Sonday-aq, sheshimi waqıt talap etetuǵın máseleler qadaǵalawǵa alındı.

Qaraqalpaqstan xabar agentligi.