Senattıń Xalıqaralıq qatnasıqlar, sırtqı ekonomikalıq baylanıslar, sırt el investiciyaları hám turizm máseleleri komiteti baslıǵınıń orınbasarı Odiljon Mamatkarimov hám Egipet Arab Respublikasınıń Ózbekstan Respublikasındaǵı Ayrıqsha hám tolıq huqıqlı elshisi Tamir Fathi Abdusalom Hammad penen ushırastı.

Onda eki mámleket parlamentleri arasındaǵı qatnasıqlar, sonıń ishinde, usı jıl 5-9-aprel kúnleri Tashkent qalasında ótkeriletuǵın Parlamentleraralıq awqamnıń 150-yubiley assambleyasında Egipet parlamenti delegaciyasınıń qatnasıwı haqqında pikir alısıldı.

Miymanǵa bunday abıraylı ilaj Ózbekstan tariyxında birinshi márte ótkeriletuǵına hám onda Parlamentler aralıq awqamǵa aǵza bolǵan 190 ǵa shamalas mámleketten derlik 2 mıń parlament aǵzaları qatnasatuǵını haqqında maǵlıwmat berildi.

T.Hammad bul ilajǵa qatnasıw ushın Egipet Arab Respublikası Parlamenti baslıǵı basshılıǵındaǵı 14 delegaciya aǵzası Ózbekstanǵa sapar etetuǵının atap ótti.

Tárepler Parlamentleraralıq awqam assambleyası menen baylanıslı shólkemlestiriw máseleleri boyınsha pikirler alıstı.

***

Senattıń Jaslar, hayal-qızlar, mádeniyat hám sport máseleleri komitetiniń baslıǵı Orazgul Qozixonova Latviya Respublikasınıń Ózbekstandaǵı Ayrıqsha hám tolıq huqıqlı elshisi Reynis Troksha menen ushırastı.

Onda hayal-qızlardı qollap-quwatlaw, huqıq hám máplerin qorǵaw hám gender zorlıqqa qarsı gúresiw tarawlarında milliy nızamshılıqtı bunnan bılay da jetilistiriw, izertlewler ótkeriw jáne bul baǵdarda tiyisli shólkemler hám uyımlar menen sóylesiwler alıp barıw máseleleri dodalandı.

Gender teńlikti támiyinlew, hayal-qızlardıń barlıq baǵdarlarda huqıq hám imkaniyatların keńeytiw boyınsha Ózbekstan tájiriybesi maqtawǵa sazawar ekeni atap ótildi.

Sonıń menen birge, Latviya elshisi hayal-qızlardıń siyasiy belsendiligin arttırıw, olarǵa oqıwlar shólkemlestiriw, gender tallaw ótkeriw, statistikalıq maǵlıwmatlardı jıynaw, huqıq qorǵaw uyımları tárepinen basım hám zorlıqtan jábirlengen hayal-qızlar menen islesiw boyınsha tájiriybe almasıwǵa tayar ekenin bildirdi.

Ushırasıw  juwmaǵında dodalanǵan máseleler tiykarında tıǵız birge islesiwdi jolǵa qoyıw boyınsha kelisimge erisildi.

N.Abduraimova,

ÓzA