Jawǵan qalıń qardan nátiyjeli paydalanıp qalıw maqsetinde orınlarda biyday egilgen atızlarǵa tógin beriw jumısları dawam etpekte.

Xojeli rayonı aymaǵındaǵı ǵálle maydanlarında da taraw wákilleriniń usınısları tiykarında arnawlı texnikalar járdeminde ǵálle maydanların azıqlandırıw ilajları ámelge asırılmaqta.
Ǵálleshilikte áhmiyetli agrotexnikalıq ilajlardan biri bul – atızlardı mineral hám jergilikli tóginler menen azıqlandırıw bolıp esaplanadı. Gúzlik biyday báhárde hám rawajlanıw dáwirinde jeterli muǵdarda tóginler menen támiyinleniwi ósimliktiń jaqsı tamır jayıwına hám ósip-rawajlanıw processlerine unamlı tásir kórsetedi.
Ǵálle maydanlarına azotlı mineral tóginler jeterli muǵdarda qollanılsa, biyday masaqları tolıq rawajlanadı hám dánlerdiń sanı da artadı. Bunday agrotexnikalıq ilajlar óz gezeginde topıraqtıń ónimdarlıǵın arttırıw menen birge, ósimlikti zárúr bolǵan mikroelementler menen toyındırıwǵa xızmet etedi.

Qaraqalpaqstan xabar agentligi.