Senattıń Byudjet hám ekonomikalıq máseleler komiteti tárepinen «Jer uchastkaların kompensaciya esabınan jámiyetlik talaplar ushın alıp qoyıw tártip-qaǵıydaları haqqında»ǵı nızamnıń mánis-mazmunın túsindiriw boyınsha seminar ótkerildi.

Seminarda puqaralar hám isbilermenlik subyektlerine tiyisli bolǵan imarat hám obyektler jaylasqan jer uchastkaları alıp qoyılıwı múnásibeti menen múlk iyeleriniń nızamlı huqıqları hám mápleriniń kepilliklerin jáne de bekkemlewdi támiyinlew hám usı múnásibet penen jetkerilgen zıyanlardı qaplawda jol qoyılıp atırǵan kemshiliklerdi saplastırıw boyınsha juwapker ministrlik hám uyımlar wákilleriniń málimlemeleri tıńlandı.
Sonday-aq, jer uchastkaların kompensaciya esabınan jámiyetlik talaplar ushın alıp qoyıwdıń huqıqıy tiykarları, jer uchastkası hám onda jaylasqan kóshpes múlk obyektleri ushın huqıq iyelerine kompensaciya ajıratıw tártibi hám kóshpes múlk obyektlerine bolǵan huqıqlardıń saplastırılıwı hám bul baǵdardaǵı mashqala hám kemshilikler boyınsha pikir alısıldı.
Dodalawda jergilikli keńeslerdiń jer uchastkasın alıp qoyıw haqqındaǵı qarar joybarları «E-qaror» birden-bir elektron sisteması arqalı Qaraqalpaqstan Respublikası Ádillik ministrligi, wálayat hám Tashkent qalası ádillik basqarmaları tárepinen huqıqıy ekspertizadan ótkeriliwi hám onıń nátiyjesi boyınsha tiyisli huqıqıy juwmaqlar beriliwine ayrıqsha itibar qaratıwı zárúr ekenligi atap ótildi.
Seminarda qatnasqan xalıq deputatları jergilikli keńesler sekretariatları, mápdar uyımlardıń wákilleri ózleriniń qızıqtırǵan sorawlarına juwap aldı. Jer uchastkaların kompansaciya esabınan jámiyetlik talaplar ushın alıp qoyıw boyınsha payda bolıp atırǵan mashqala hám kemshiliklerdiń aldın alıw boyınsha zárúr pikir-usınıslar berildi.

N.Abduraimova, ÓzA