Balalardıń dem alısın hám olardı sawallandırıwdı shólkemlestiriw departamentiniń Qaraqalpaqstan basqarmasınıń «Jaz-2025» balalardıń dem alısın ham olardı sawallandırıwdı joqarı dárejede sistemalı shólkemlestiriw ilajları haqqında»ǵı rejesi tiykarında, Qaraqalpaqstan Respublikası Mektepke shekemgi hám mektep bilimlendiriwi ministrligi menen birgelikte «Jazǵı dem alısta barlıq oqıwshılar Dem alıstı oraylarında» súreni menen úgit-násiyat ilajı bolıp ótti.

Nókis qalalıq Mektepke shekemgi hám mektep bilimlendiriwi bólimine qaraslı 1-sanlı ulıwma orta bilim beriw mektebinde ótkerilgen ilajda Balalardıń dem alıwın hám olardı sawallandırıwdı shólkemlestiriw departamentiniń Qaraqalpaqstan basqarması baslıǵı Satbay Ótewliev shıǵıp sóylep, respublikamızdaǵı oqıwshılardıń dem alıw orınları, onda jaratılǵan sharayat hám múmkinshilikler haqqında ilaj qatnasıwshılarına keń túrde maǵlıwmatlar berdi.
Ilajda mektep muǵallimleri hám oqıwshılar tárepinen shólkemlestiriwshilerge bir qatar sorawlar berilip, olarǵa juwaplar aldı.
Ushırasıw sońında ilajǵa belsene qatnasqan oqıwshılarǵa kórkem-ádebiy kitaplar sawǵa etildi.

Adilbay Orazov,
Qaraqalpaqstan xabar agentliginiń sholıwshısı.