Ózbekstannıń Egipet Arab Respublikasındaǵı elshixanasında usı mámleket Azıq-awqat sanaatı palatası baslıǵınıń orınbasarı Amal Samir menen ushırasıw ótkerildi.

Sóylesiw barısında basqıshpa-basqısh birge islesiwdi jolǵa qoyıw, birgelikte azıq-awqat ónimlerin islep shıǵarıw hám eksport-importtı shólkemlestiriw máseleleri hár tárepleme dodalandı.
Egipetke elimizde jetistiriletuǵın awıl xojalıǵı ónimleri, atap aytqanda, miywe-ovosh hám keptirilgen miywe jetkeriwdiń kólemin bunnan bılay da keńeytiwdiń imkaniyatına qızıǵıwshılıq bildirdi.
Ushırasıw juwmaǵında elimizdegi túrles kompaniyalar menen sheriklik ornatıw ushın eki mámlekettiń isbilermenlik subyektleri qatnasıwında onlayn ushırasıw shólkemlestiriwge kelisildi.

ÓzA