Erteń Tashkent qalasında «Yunusobod» sport kompleksinde dzyudo boyınsha «Úlken Duwılǵa» dúrkinine kiriwshi, ulıwma sıylıq qorı 154 000 evroni qurawshı jarıs baslanadı.

Búgin OTP Group Tashkent Grand Slam turnirine shek taslaw máresimi bolıp ótti. Erler arasında ótkeriletuǵın bellesiwlerge mámleketimizden 7 salmaq kategoriyası boyınsha 28 dzyudoshı qatnasadı.
Respublikamız jankúyerleri ushın sonı aytıp ótiwimiz kerek, bul palwanlar arasında -100 kg salmaq kategoriyasında qaraqalpaqstanlı Ernazar Sarsenbaev ta qatnasadı hám ol jarıstıń dáslepki basqıshında tájikstanlı Karomatullo Hakimov penen bellesedi.

Adilbay Orazov,
Qaraqalpaqstan xabar agentliginiń sholıwshısı.