«Ózbekneftgaz» hám «Óximiyasanaat» AJlar basshıları BAÁnıń «Abu Dhabi Commercial Bank» (ADCB) wákilleri menen ushırastı.

Sóylesiwde jergilikli shólkemler tárepinen erisilgen nátiyjeler, ámelge asırılıp atırǵan transformaciya processleri hám ekonomikalıq turaqlılıq máseleleri haqqında maǵlıwmat berildi.
Bunnan soń tárepler kreditlew kólemin arttırıw, qayta tiklenetuǵın kredit liniyasın hám jaratıw shártnamalardıń kólemin keńeytiw imkaniyatların kórip shıqtı.
Jámiyet málimleme xızmetiniń atap ótkenindey, «Abu Dhabi Commercial Bank» (ADCB) – Birlesken Arab Ámirliklerindegi úshinshi iri kommerciyalıq bank bolıp, 1985-jılı dúzilgen. Bul finans institutı tek ǵana Ámirliklerde emes, al xalıqaralıq bazarlarda da jumıs alıp baradı. ADCB korporativ hám kishi bank xızmetleri, investiciya hám aktivlerdi basqarıw jáne qamsızlandırıw xızmetlerin usınadı.
Bank regiondaǵı eń iri qarjı strukturalarınan biri sıpatında Oraylıq Aziya hám ǴMDA elleri menen birge islesiwdi keńeytiwge ayrıqsha itibar qaratılmaqta.
Sóylesiw waqtında ADCB wákilleri 2025-jılı «Ózbekneftgaz» AJnıń hár qıylı baǵdarlardaǵı joybarların qarjılandırıwǵa tayar ekenin bildirdi.
Sonday-aq, evroobligaciyalar shıǵarıw, investorlardı tartıw hám qarjı operaciyaların muwapıqlastırıw boyınsha birge islesiw máseleleri dodalandı. ADCB bul processlerde bahanı anıqlawda, prezentaciyalar shólkemlestiriw hám investiciyalıq kelisimlerdi qáliplestiriwge qatnasadı.
Ushırasıw juwmaǵında tárepler birge islesiwdi bunnan bılay da rawajlandırıwǵa kelisip aldı.

ÓzA