Qaraózek rayonındaǵı Mádeniyat orayında rayon hákimi A. Baymuratov hám Namangan wálayatı hákiminiń jaslar siyasatı, sociallıq rawajlandırıw hám ruwxıy aǵartıwshılıq isleri boyınsha orınbasarı Ǵ. Murodxojaev aymaqtaǵı jumıssız jaslar menen ushırastı.

Ushırasıwda ilaj qatnasıwshılarına Namangan wálayatındaǵı iri óndiris kárxanaları, isbilermenlik subyektlerindegi bar bolǵan bos jumıs orınları hám jumısshılarǵa jaratılıp berilgen qolaylıqlar boyınsha maǵlıwmatlar berildi.
Sonday-aq, rayon hákimi A. Baymuratov usı imkaniyatlardan durıs paydalanıw hám usınılǵan jumıs orınlarına barıp, tájiriybe arttırıp qaytıw, jaslarmızǵa isbilermenlik benen shuǵıllanıwları ushın keń imkaniyatlardıń bar ekenligin atap ótti.
Ushırasıw dawamında rayon jaslarınıń bul boyınsha pikir hám usınısları tıńlandı.

Qaraqalpaqstan xabar agentligi