Kegeyli rayonın sociallıq-ekonomikalıq jaqtan rawajlandırıw boyınsha biriktirilgen Ándijan wálayatı hákimligi menen birgelikte rayonda xalıqtıń turmıs sharayatların jaqsılaw, isbilermenlikti rawajlandırıw hám usı arqalı puqaralardıń bántligin támiyinlew baǵdarında nátiyjeli jumıslar alıp barılıp, hár tárepleme birge islesiw ilajları dawam etpekte.

Usı ámeliy islerdiń dawamı sıpatında Kegeyli rayonında Ándijan wálayatı hákimliginiń aymaq jasları menen ushırasıwı bolıp ótti.
Oǵan Ándijan wálayatı hákimliginiń juwapker wákilleri, tiyisli taraw basshıları hám kegeylishi jaslar qatnastı.
Ótkerilgen ushırasıw dawamında joqarı oqıw orınların pitkerip, Ándijanda jumıs islew niyetin bildirgen 26 jas hám olardıń ata-anaları menen jeke sáwbetlesiwler ótkerilip, olarǵa qánigeligi boyınsha jumıs orınları usınıs etildi.
Ilajda Ándijan wálayatına barıp jumıs islew niyetin bildirgen jaslardıń hújjetleri sol orınnıń ɵzinde tiyisli tártipte rásmiylestiriw ilajları kórildi.

Qaraqalpaqstan xabar agentligi