Mámleketimizde barlıq tarawlar qatarında pensiya tayınlaw baǵdarında da bir qatar reformalar ámelge asırılmaqta.
Ekonomika hám qarjı ministrligi janındaǵı byudjetten tısqarı Pensiya qorı Atqarıw apparatı direktorınıń birinshi orınbasarı Z.Tursunov Beruniy rayonında kóshpeli ushırasıw ótkerdi.
Onda 2025-jıl 1-marttan baslap jasqa baylanıslı pensiyalar avtomat túrde tayınlanıwı ámeliyatqa engiziliwi boyınsha keń túrde túsinikler berdi.
Jasqa baylanıslı pensiyanı mashqalasız tayınlaw maqsetinde – házirgi waqıtta jumısın islewdi dawam etip atırǵan puqaralarǵa islegen miynetlerine baylanıslı maǵlıwmatlardı sanlastırıw, tekserip barıwı usınıs etiledi.
Beruniy rayonı málimleme xızmeti bóliminiń bergen maǵlıwmatına bola, házirgi waqıtta jumıs islemey atırǵan puqaralar miynet dáptershelerindegi maǵlıwmatlardı rayonlıq Bántlikke járdemlesiw oraylarına múrájat etken halda biypul sanlastırıp alıwı múmkin ekeni haqqında túsinikler berildi.
Sonday-aq, puqaralardıń sheshilmey atırǵan mashqalaları hám sorawlarına tolıq juwap berildi. Múrájatler ornında sheshildi.

Qaraqalpaqstan xabar agentligi