«2025-jılı respublika máhállelerinde qáwipsiz ortalıqtı jaratıw hám huqıqbuzarlıqlardıń erte aldın alıw sistemasınıń nátiyjeliligin jáne de arttırıw boyınsha ilajlar haqqında»ǵı qarfhınıń orınlanıwın támiyinlew boyınsha Ámiwdárya rayonı hákimligi imaratında Qaraqalpaqstan Respublikası IIM orınbasarı, podpolkovnik M.Raxmatullaevtiń basshılıǵında jumısshı shtab májilisi bolıp ótti, – dep málimleme beredi Ámiwdárya rayonı málimleme xızmeti bólimi.

Máhállelerde qáwipsiz ortalıq jaratıwdıń shólkemlestiriw-profilaktikalıq tiykarların zaman talaplarına beyimlestiriw, ámelge asırılǵan nızambuzılıwlardıń tiykarǵı faktorların óz waqtında anıqlaw hám kompleksli ilajlar menen mánzilli saplastırıw arqalı jınayatshılıqtıń erte aldın alıw búgingi kúndegi eń áhmiyetli wazıypalardan biri, – dep atap ótti M.Raxmatullaev qarardıń mazmun-mánisin túsindire otırıp.
Qarardıń orınlanıwın támiyinlew hám rayon máhállelerinde kriminogen jaǵdaydı turaqlastırıw, huqıqbuzarlıqlardıń erte aldın alıw sistemasınıń nátiyjeliligin arttırıw boyınsha usı jıldıń 1-sheregine mólsherlengen mánzilli ilajlar «Jol kartası»nıń orınlanıwı baǵdarında ámelge asırılıp atırǵan jumıslar úyrenildi.
Kemshiliklerdi saplastırıw boyınsha tiyisli kórsetpe hám usınıslar berildi.

Qaraqalpaqstan xabar agentligi