Aymaqlarda xalıqtıń sociallıq mashqalaların waqtında anıqlaw hám olarǵa ámeliy járdem beriwdiń sapasın arttırıw maqsetinde «Insan» sociallıq xızmetler orayları shólkemlestirilip, óz jumısın baslaǵan edi.

Beruniy rayonında shólkemlestirilgen «Insan» sociallıq xızmetler orayı da xalıqqa xızmet kórsetip kelmekte.
Orayǵa puqaralar tárepinen kelip atırǵan múrájatler tallanıp, bul baǵdarda úgit-násiyat ilajların ámelge asırıw belgilep alındı.
Ótkerilgen ilajdıń maqseti, usı múrájatler boyınsha, yaǵnıy sociallıq napaqalar, sanatoriyalarǵa jollama alıw, «Saqawat hám járdem» qorınıń qarjılarınan járdem kórsetiw, oray psixologları tárepinen psixologiyalıq xızmetler, mayıplıǵı bolǵan shaxslardı reabilitaciyalawdıń texnikalıq buyımlar menen támiyinlew sıyaqlı baǵdarlarda puqaralardıń huqıqıy sawatlılıǵın arttırıwdan ibarat, dep maǵlıwmat beredi Beruniy rayonı málimleme xızmeti bólimi baslıǵı A.Urazova.
Qánigeler tárepinen joqarıdaǵı baǵdarlar boyınsha keń túsinikler berildi hám arnawlı tayarlanǵan videorolik qatnasıwshılarǵa qoyıp berildi.
Ilaj juwmaǵında belsene qatnasqan puqaralar shólkemlestiriwshiler tárepinen sıylıqlandı.

Qaraqalpaqstan xabar agentligi