Berdaq atındaǵı Qaraqalpaq mámleketlik universiteti Qurılıs hám ekonomika fakultetlerinde tálim alıp atırǵan student-jaslar arasında «Kiberjınayat, terrorizm, diniy ekstremizm, huqıqbuzarlıq hám jınayatshılıqtıń basqa da túrlerine qarsı gúresiw hám náshebentliktiń aldın alıw» atamasında profilaktikalıq úgit-násiyatlaw ilajı ótkerildi.

Ilajǵa fakultettiń professor-oqıtıwshıları, studentler, tyutorlar hám tiyisli tarawdıń juwapker wákilleri qatnastı.
Ilajda Ózbekstan Respublikası Din isleri boyınsha Komitetiniń Qaraqalpaqstan Respublikası aymaqlıq basqarması bas qánigesi N.Jamalov, Qaraqalpaqstan Respublikası Ishki isler ministrligi Terrorizmge qarsı gúresiw basqarması bólim baslıǵı N.Tadjimuratov, Qaraqalpaqstan Respublikası Ishki isler ministrligi Jámiyetlik qáwipsizlik xızmeti Jol háreketi qáwipsizligi basqarması baslıǵı orınbasarı, podpolkovnik R.Madreymov hám universitet profilaktika inspektorı, mayor I.Erejepov jaslardıń jámiyetlik tártipti saqlawı, jınayat kóshesine kirip qalıwdan awlaq bolıwı, urlıq islew, óz-ara jánjellesiw, zorlıq hám basım ótkeriw, jol háreketi qáwipsizligi qaǵıydaları, spirtli ishimlikler ishiw, kewil ashar orınlarǵa barıw, korrupciya, aldawshılıq, tonawshılıq, diniy ekstremizm, kiberjınayatshılıq, hár túrli náshebentlik, psixotrop zatlardı paydalanıw, satıw hám satıp alıw sıyaqlı jınayatlardıń awır aqıbetleri, olarǵa qollanılatuǵın nızam tiykarındaǵı ilajlar haqqında keń túrde túsiniklerin berdi.
Ilajda studentler bayanatshılar tárepinen aytılǵan máseleler boyınsha sorawlar berip, olarǵa juwaplar aldı.

Qaraqalpaqstan xabar agentligi