Turizm komiteti baspasóz xızmetiniń málim etiwinshe, bıyılǵı jıldıń mart ayınan baslap medicina hám salamatlandırıw mákemeleriniń Birden-bir reestri júrgiziledi. Bul reestrde maǵlıwmatlar mámleketlik hám shet tillerde qáliplestirilip, turaqlı túrde jańalanıp barıladı hám medicinalıq turizm baǵdarında sapar etetuǵın sırt el turistleri, jergilikli xalıq hám turistlik shólkemlerge paydalanıw maqsetinde usınıs etiledi.
Birden-bir reestrdegi maǵlıwmatlar ashıq bolıp, medicina baǵdarında jumıs alıp barıp atırǵan mámleketlik shólkemler hám isbilermenlik subyektleri Turizm komiteti yamasa Densawlıqtı saqlaw ministrligine maǵlıwmatlardı usınıw arqalı Birden-bir reestrge kiredi.
Reestrge kirgizilgen medicina mákemeleri xızmetlerinen turistler paydalanıp, kórsetilgen xızmet boyınsha óz múnásibetlerin qaldıradı hám usılar tiykarında medicina shólkemleriniń reytingi qáliplesedi. Birden-bir reestrge kirgizilgen hám reytingte joqarı ball alǵan medicina hám salamatlandırıw mákemelerine bir qatar qollap-quwatlaw engiziledi.
Sonıń ishinde, reytingte joqarı ball alǵan medicina hám salamatlandırıw mákemeleriniń xızmetleri menen ónimlerin sırt mámleketlerde úgit-násiyatlaw ushın baspa hám video ónimlerdi tayarlaw qárejetleri Turizm komiteti tárepinen qaplap beriledi.
Birden-bir reestr Turizm komiteti hám Densawlıqtı saqlaw ministrliginiń rásmiy veb-betleri hám turistlik portallarǵa jaylastırılıp barıladı.

Muhayyo Toshqoroeva, ÓzA