Nókis qalasındaǵı 2-sanlı sport mektebinde kásiplik awqamı komitetiniń májilisi bolıp ótti. Ilajda jumıs beriwshi hám kásiplik awqamı komiteti arasında 2023-2025-jıllarǵa dúzilgen jámáátlik shártnamanıń 2024-jıldaǵı orınlanıwı boyınsha mektep direktorı hám kásiplik awqamı komiteti baslıǵınıń esabatları tıńlandı.

Bunnan soń kásiplik awqamı komiteti tárepinen 2020-jıldıń fevral ayınan 2025-jıldıń fevral ayı dáwirinde ámelge asırılǵan isler boyınsha kásiplik awqamı komiteti baslıǵınıń esabatları tıńlandı.
Májiliste Ózbekstan mádeniyat, sport hám turizm xızmetkerleri kásiplik awqamı Respublikalıq keńesiniń shólkemlestiriw isleri bóliminiń meńgeriwshisi Jamshid Aripov esabat saylaw tártibi haqqında hám Ózbekstan kásiplik awqamları háreketleriniń 120 jıllıq bayramı aldınan ótkeriliwi rejelestirilgen ilajlar boyınsha túsinikler berdi.
Májilis sońında Nókis qalasındaǵı 2-sanlı sport mektebinde kásiplik awqamı komitetiniń baslıǵı lawazımına Qudiyar Quwanishbaevich Erjanov kópshilik dawıs penen jańadan saylandı.
Sonday-aq, usı kúni Nókis qalasındaǵı 22-sanlı balalar muzıka hám kórkem óner mektebinde baslanǵısh kásiplik awqamı komiteti shólkemleri baslıqlarınıń qatnasıwında seminar shólkemlestirildi.
Seminarda Ózbekstan mádeniyat, sport hám turizm xızmetkerleri kásiplik awqamı Respublikalıq keńesiniń miynetti qorǵaw bóliminiń meńgeriwshisi Alijon Umarov miynetti qorǵaw boyınsha, xızmetkerlerdiń medicinalıq tekseriwden ótiw tártibi tuwralı, Respublikalıq keńestiń shólkemlestiriw isleri bóliminiń meńgeriwshisi Jamshid Aripov esabat saylawlardı ótkeriw hám hújjetlerdi rásmiylestiriw boyınsha túsinikler berip, ilaj qatnasıwshılarına ámeliy járdemler kórsetti.

Qaraqalpaqstan xabar agentligi