Oman Sultanlıǵı málimleme agentligi ONA usı mámleket sırtqı isler ministri Sayyid Badr bin Hamad Al-Busaidiy ózbekstanlı kásiplesi Baxtiyor Saidov penen ushırasqanın sáwlelendirdi.
Sóylesiw barısında birge islesiwdiń barlıq táreplerine itibar qaratılıp, hár qıylı tarawlarda baylanıslardıń kólemin keńeytiw jolları dodalanǵan. Еkonomikalıq, sawda hám investiciyalıq tarawlarda birge islesiwdi bilimlendiriw, mádeniyat, turizm, qayta tiklenetuǵın energiya baǵdarlarında rawajlandırıwǵa óz-ara umtılısı tastıyıqlanǵan. Infrastruktura hám logistika boyınsha birgeliktegi joybarlardı alǵa qoyıw imkaniyatları kórip shıǵılǵan.
Tárepler ulıwmalıq máplerge baylanıslı regionallıq hám xalıqaralıq mashqalalarǵa da toqtap ótip, turaqlılıqtı hám qáwipsizlikti qollap-quwatlaw, turaqlı rawajlanıwǵa erisiw ushın másláhátlesiw hám muwapıqlastırıw mexanizmin kúsheytiw áhmiyetli ekenligin atap ótti.

ÓzA