Mámleketimizde huqıqbuzarlıqlardıń aldın alıw, jınayatshılıqtı jılawlaw hám huqıqbuzarlıqlardı islew itimalı joqarı bolǵan shaxslar menen profilaktika ilajların kúsheytiw boyınsha sistemalı jumıslar ámelge asırılmaqta.
«Huqıqbuzarlıqlar profilaktikası haqqında»ǵı Ózbekstan Rspublikası Nızamına ózgeris hám qosımshalar kirgiziw haqqındaǵı nızam joybarı zorlıqtan jábirleniw itimalı joqarı bolǵan shaxslardı mámleket tárepinen qorǵawdı támiyinlew ámeliyatın keńeytiwdi názerde tutadı.
Sonıń menen birge, profilaktikalıq esapqa qoyılatuǵın shaxslar ámeldegi 6 kategoriyadan 3 kategoriyaǵa, hákimshilik huqıqbuzarlıqlar ushın profilaktikalıq esapqa alınıp atırǵan statyalar 28 den 12 ge shekem azaytılıp, házirgi waqıtta kerekli esaplanǵan qosımsha 2 jaǵday menen tolıqtırılmaqta.
Bul nızam joybarı Oliy Majlis Nızamshılıq palatasındaǵı Ózbekstan Xalıq demokratiyalıq partiyası frakciyasınıń májilisinde hár tárepleme dodalanıp, ondaǵı normalardı jáne de jetilistiriw boyınsha usınıslar alǵa qoyıldı.

ÓzA