Oliy Majlis Nızamshılıq palatasındaǵı Ózbekstan «Adolat» SDP frakciyası májilisinde Bala huqıqları boyınsha wákili (Balalar ombudsmanı)niń 2024-jılı bala huqıqları haqqındaǵı nızamshılıqqa mámleketlik uyımlar, sonıń ishinde huqıq qorǵaw uyımları tárepinen ámel etiliw jaǵdayı haqqındaǵı bayanatı kórip shıǵıldı.

Bul bayanat Balalar ombudsmanınıń Oliy Majlis palatalarına beretuǵın birinshi bayanatı bolıp, onda mámleketimizde bala máplerin támiyinlew boyınsha ámelge asırılǵan reformalar, sonıń ishinde, BMShtıń Bala huqıqları haqqındaǵı Konvenciyası, «Bala huqıqları kepillikleri haqqında»ǵı nızam hám basqa nızamshılıq hújjetleriniń ámelge asırılıwı, mámleketlik uyımlar, sonıń ishinde huqıq qorǵaw uyımları tárepinen bala huqıqlarına baylanıslı xalıqaralıq standartlar hám milliy nızamshılıqqa ámel etiw jaydaǵı boyınsha maǵlıwmatlar berilgen.
Bala huqıqları boyınsha wákildiń puqaralardıń múrájatlerin kórip shıǵıw hám olardıń buzılǵan huqıqların tiklewge baylanıslı «Fizikalıq hám yuridikalıq táreplerdiń múrájatleri haqqında»ǵı hám «Ózbekstan Respublikası Oliy Majlisiniń Bala huqıqları boyınsha wákili (Balalar ombudsmanı) haqqında»ǵı nızamlarǵa muwapıq ámelge asırılmaqta.
Atap aytqanda, 2024-jılı Bala huqıqları boyınsha wákil atına Ózbekstan Respublikası puqaraları, sırt el puqaraları hám ombudsmanları, puqaralıǵı bolmaǵan shaxslar, jámiyetlik shólkemler hám basqa yuridikalıq táreplerden 1064 múrájatler salmaǵı 2,4 esege artqanın kórsetedi.
Bunnan tısqarı, Bala huqıqları boyınsha wákil bala huqıqları haqqındaǵı nızamshılıqtı jetilistiriw, balanıń máplerin támiyinlewge qaratılǵan norma dóretiwshiligi jumısına da óz úlesin qospaqta. Atap aytqanda, 2024-jılı Bala huqıqları boyınsha wákil tárepinen 46 nızamshılıq hújjetleri joybarları kórip shıǵılıp, bala huqıqları tarawındaǵı nızamshılıqtı qáliplestiriw boyınsha usınıslar jiberilgen.
Deputatlar sońǵı jılları mámleketimiz basshısınıń basshılıǵında ámelge asırılıp atırǵan ashıq hám pragmatikalıq sırtqı siyasat bala huqıqları tarawında da óziniń nátiyjeli kórinisin tawıp atırǵanın ayrıqsha atap ótti. Sonnan kelip shıǵıp, Balalar ombudsmanınıń 2024-jıldaǵı jumısı haqqındaǵı bayanatın bir awızdan maqulladı.

ÓzA