Qaraqalpaqstan Respublikası Joqarǵı Keńesiniń komitet baslıǵı Berdibek Seytnazarov xalıqtı kámbaǵallıqtan shıǵarıw, aymaqlardı rawajlandırıw maqsetinde ámelge asırılǵan jumıslardı úyreniw ushın Kegeyli rayonına bardı hám rayondaǵı sektor basshıları menen birgelikte Mádeniyat, Nurlı bostan MPJ hám Abat, Aqtuba, Jańabazar hám Qumshúngil awıl puqaralar jıyınları aymaǵındaǵı máhálle jetiligi hám kóshe biyleri menen ushırastı.
Ushırasıwda sońǵı jılları elimizde Prezidentimizdiń basshılıǵında Qaraqalpaqstandı sociallıq-ekonomikalıq jaqtan rawajlandırıw boyınsha alıp barılıp atırǵan jumıslar atap ótilip, máhálle jetilikleri hám kóshe biyleriniń aymaqlardı rawajlandırıw boyınsha pikir-usınısların tıńladı.
Ilajda puqaralar tárepinen bildirilgen hár bir usınıs etilgen mashqalanı sheshiwge úlken itibar qaratılıp, bul boyınsha arnawlı baǵdarlamalar tiykarında ámeliy jumıslar alıp barılatuǵınlıǵı atap ótildi.

Qaraqalpaqstan xabar agentligi