«Ózximiyasanaat» AJ xalıqaralıq abırayǵa iye “S&P Global” agentliginiń ESG (ekologiyalıq, sociallıq hám basqarıw) reytingin alǵan birinshi ózbek kompaniyasına aylandı.

“S&P Global” tallawlarına bola, kompaniyanıń ESG kórsetkishi 29 ballǵa teń boldı. Agentlik «Ózximiyasanaat» AJnıń biznestegi ádep- ikramlılıǵı, ashıq-aydınlıǵı, korporativlik  basqarıwı hám miynet qáwipsizligi hám xızmetkerlerdiń salamatlıǵın qorǵaw baǵdarlarındaǵı háreketlerin joqarı bahalaǵan.

Bul reyting kompaniyanıń turaqlı rawajlanıw hám sociallıq juwapkershilik principlerine sadıq ekenin tastıyıqlaydı. ESG reytingi  xalıqaralıq birge islesiwshiler hám investorlardıń isenimin bekkemlew menen birge, turaqlı investiciyalardı tartıw, «jasıl» joybarlardı qarjılandırıw hám sırt el bazarlarına shıǵıw ushın jańa imkaniyatlar jaratadı.

«Ózximiyasanaat»  AJ málimleme xızmetine bola, jaqında bul shólkem “Fitch Ratings”nıń  BB – xalıqaralıq reytingine de iye bolǵan edi. Kompaniya ESG  baǵdarındaǵı reformalardı dawam ettirip, turaqlı rawajalnıwǵa  baǵdarlanǵan jumısın jáne de kúsheytiwdi rejelestirmekte.

N.Ziyodullaeva, ÓzA