Senattıń Sud-huqıq máseleleri hám korrupciyaǵa qarsı gúresiw komiteti májilisinde «Ózbekstan Respublikasında puqaralardıń hújdan erkinligin támiyinlew hám diniy tarawdaǵı mámleketlik siyasat koncepciyasın tastıyıqlaw haqqında»ǵı nızam kórip shıǵıldı.

Májiliste Koncepciya menen diniy tarawdaǵı mámleketlik siyasattıń maqseti, wazıypaları, principleri, tiykarǵı baǵdarları hám olardı ámelge asırıw mexanizmleri belgilenip atırǵanı atap ótildi.
Koncepciyanıń qabıl etiliwi hám tarawda birden-bir mámleketlik siyasattıń ámelge asırılıwı mámlekette diniy keńpeyillik hám konfessiyalararalıq tatıwlıqtı támiyinlewge tiykarlanǵan qatnasıqlar modelin rawajlandırıwdıń shólkemlestiriw-huqıqıy tiykarları jetilistiriliwine, jámiyette tatıwlıq, sociallıq awızbirshilik ortalıǵı bekkemleniwine xızmet etetuǵını atap ótildi.
Sonday-aq, komitette jergilikli keńeslerdiń korrupciyaǵa qarsı gúresiw hám qáwipsizlik máseleleri boyınsha turaqlı komissiya aǵzaları hám sekretariyat baslıqları ushın «Korrupciyaǵa qarsı gúresiw agentliginiń 2023-jıldaǵı mámleketlik uyımlar hám shólkemler jumısınıń ashıq-aydınlıǵın bahalaw boyınsha «Ashıqlıq indeksi» maǵlıwmatların tallaw» temasında seminar ótkerildi.
Onda Senat jumısında jergilikli mámleketlik hákimiyattıń wákillikli uyımlarına járdem beriwge ayrıqsha itibar berip atırǵanı, bunnan gózlengen maqset jergilikli keńeslerdiń jumıs nátiyjeliligin arttırıwdan ibarat ekenligi atap ótildi.
Qatnasıwshılar bul seminar aymaqlarda mámleketlik uyımlar hám shólkemler jumısınıń ashıqlıǵın hám esap-beriwshiligin támiiynlewde jergilikli keńeslerdiń rolin arttırıwǵa, qalaberdi, Senat tárepinen jergilikli keńeslerge metodikalıq járdemdi sistemalı shólkemlestiriwge, keleshekte usı baǵdardaǵı birge islesiwdi jáne de keńeytiwge xızmet etetuǵını atap ótildi.

N.Abduraimova, ÓzA