Kúni keshe Baku qalasında Aziya Parlament Assambleyasınıń 15-jalpı sessiyası bolıp ótti.

Onda Senat Baslıǵı T.Norboeva basshılıǵındaǵı Ózbekstan parlamenti delegaciyası da qatnasıp, regionımızda ekologiyalıq qáwipsizlik hám klimat ózgeriwine baylanıslı máselelerdi nátiyjeli sheshiw ushın háreketlerdi birlestiriwge baylanıslı usınıslardı alǵa qoydı.
«Aziyada kóp tárepleme birge islesiwdi bekkemlewde parlament diplomatiyasınıń ornı» temasında ótken bul jalpı sessiyada Ózbekstan parlamentiniń regionallıq hám xalıqaralıq ilajlardı shólkemlestiriwdegi belsendi roli ayrıqsha atap ótildi.
Abıraylı ánjuman sheńberinde Ózbekstan Respublikası Oliy Majlisi Senatınıń Baslıǵı Tanzila Norboeva Ázerbayjan Respublikası Milliy Mejlisiniń Baslıǵı Sohiba Gafarova menen ushırastı.
Onda eki mámleket parlamentleri arasında óz-ara birge islesiwdi rawajlandırıw boyınsha «jol kartası»nıń 2024-2025-jıllarǵa mólsherlengen rejeleriniń orınlanıwı dodalandı.
Sóylesiw dawamında birinshi Ózbekstan-Ázerbayjan parlamentleraralıq forumın ótkeriw, parlament komitetleri hám doslıq toparı aǵzalarınıń tıǵız baylanısların jáne de bekkemlew boyınsha pikir alısıldı.
Tárepler xalıqaralıq ilajlarda parlament wákilleriniń belsene qatnasıwın támiyinlewge de itibar qaratıp, Tashkentte bolıp ótetuǵın Parlamentleraralıq Awqamnıń 150-yubiley assambleyası sheńberinde nátiyjeli sóylesiwlerdi dawam ettiriwge kelisip aldı.

N.Abduraimova,
ÓzA