Ózbekstan Sawda-sanaat palatasında isbilermen hayal-qızlardıń Oman Patshalıǵınıń Ayrıqsha hám tolıq huqıqlı elshisi Vafo Jabr Nosir Al- Busaidiy xanım menen ushırasıwı shólkemlestirildi.

Sóylesiw waqtında isbilermenlerimizdiń Omanǵa saparınan gózlengen maqset, kútilip atırǵan nátiyje hám keleshektegi birge islesiw máseleleri dodalandı.
Óz gezeginde Elshi mámleketimiz basshısınıń basshılıǵında elimizde hayal-qızlardıń isbilermenligin qollap-quwatlawǵa qaratılıp atırǵan ayrıqsha itibar, usı baǵdarda alıp barılıp atırǵan reformalardı joqarı bahalap, óz-ara sheriklikte hayal-qızlardıń baslamaları áhmiyetli orın tutatuǵının atap ótti.
– Ózbekstanda jumıs baslaǵan birinshi kúnlerimnen-aq júregim túbinde eki mámleket hayal-qızlarınıń isbilermenligin qollap-quwatlawǵa úles qosıwdı niyet etken edim, – deydi Vafo Al-Busaidiy xanım. – Sonlıqtan birge islesiwimiz rawajlanıp atırǵanınan oǵada qanaatlanaman.
Ushırasıwda sapardı joqarı kategoriyada shólkemlestiriw hám ótkeriw boyınsha rejeli jumıslardı birge dawam ettiriwge kelisip alındı.

M.Pirmatova, ÓzA