Búgin Rossiya – Amerika sóylesiwi baslanatuǵın Saudiya Arabstanı paytaxtı Ar-Riyodta azannan baslap jawın jawıp tur. Sonlıqtan qalada qáwipsizlik ilajları kúsheytilgen. Sóylesiw ótetuǵın orınǵa oǵada kóp saqshılar jaylastırılǵan.
Jurnalistler ushırasıw waqıtı izbe-iz keyinge qaldırılıp atırǵanı sebepli sóylesiw baslanıwın sabırsızlıq penen kútpekte. Ásirese, Amerikadan júdá kóp xabarshı kelgen.
Kósheler tıǵız emes, barlıq jerde Saudiyanıń jasıl bayraqları jelbirep tur.
Ushırasıwǵa RF tárepinen sırtqı isler ministri Sergey Lavrov, Prezident járdemshisi Yuriy Ushakov hám Tikkeley investiciya fondınıń basshısı Kirill Dmitriev kelgen.
Qurama Shtatlar delegaciyasınıń quramında bolsa Mámleketlik xatker Sarko Rubio, Prezident Donald Tramptıń milliy qáwipsizlik boyınsha keńesgóyi Mayk Uoltc hám Jaqın Shıǵıs boyınsha arnawlı wákili Stiven Vitkoff bar.
Keyingi maǵlıwmatlarǵa qaraǵanda, Rossiya – Amerika sóylesiwi Patshalıq shańaraǵı saraylarınan biri, Albasatin kompleksindegi Diriyada bolıp ótedi.
Qaraqalpaqstan xabar agentligi