AQShta júz berip atırǵan suw tasqını hám boran aqıbetinde qaytıs bolǵanlar 13 adamǵa jetti.

CNN maǵlıwmatlarına qaraǵanda, tábiyǵıy apatshılıqtan  Batıs Virjiniyada bir adam, Kentukki shtatında bolsa 11 adam qaytıs boldı. Jorjiya puqarası óz úyinde boran tásirinde qulaǵan terek basıp qalıp, jan berdi.

Batıs Virjiniya gubernatorı Patrik Morris jurnalistlerge suw tasqınınan keyin shtattıń kóplegen aymaqlarında xalıq penen baylanıs bolmay atırǵanın aytqan.

Kentukki gubernatorı Еndi Besherdiń bildiriwinshe, ayrıqsha xızmetler mıńnan aslam adamdı qutqarǵan.

Esletip ótemiz, dem alıs kúnleri kúshli jawın-shashın sebepli ayırım shtatlarda suw tasqını baqlandı. Nyu-Yorkten Alabamaǵa shekem keminde 700 000 jay, biznes orayı hám basqa da imaratlar jawın, samal hám tasqın sebepli elektr támiynatınan úzilgen.

Bul aymaqlarda ayrıqsha jaǵday járiyalanǵan, izlew-qutqarıw jumısları dawam etpekte.

Qaraqalpaqstan xabar agentligi