Ózbekstan Respublikası Prezidenti Shavkat Mirziyoevtiń Kuveyt Mámleketine birinshi rásmiy saparı ilajları juwmaqlandı.
Mámleketimiz basshısı Al-Kuveyt qalasında Ámir Shayx Mishyal as-Saboh hám Miyrasxor Shayx Saboh as-Saboh penen tariyxıy sóylesiwler, sonday-aq, usı mámleket húkimetiniń aǵzaları, jetekshi kompaniyaları hám qarjı institutları basshıları menen nátiyjeli ushırasıwlar ótkerdi.
Sammit aqırında Birgeliktegi bildiriw qabıl etildi, sonday-aq, birge islesiwdiń túrli baǵdarları, sonıń ishinde, ekonomikalıq tarawda 4,9 milliard dollarlıq salmaqlı kelisimler toplamına qol qoyıldı.
Mámleketimiz basshısı mádeniy baǵdarlama sheńberinde «As-Salom» saray-muzeyiniń Kuveyt xalqı mádeniyatı hám tariyxın sáwlelendiriwshi ekspoziciyaların kózden ótkerdi.
Sapar ilajları juwmaqlanǵannan soń, Al-Kuveyt xalıqaralıq aeroportında mámleketimiz basshısın Miyrasxor Shayx Saboh as-Saboh hám basqa rásmiy shaxslar shıǵarıp saldı.
Mámleketimiz basshısı Tashkent qalasına jónep ketti.

ÓzA