Usı jıldıń 12-15-fevral kúnleri Vatikan mámleketiniń birden-bir kinofestivalı –  XVI “Mirabile Dictu” kinofestivalı bolıp ótti.

Dúnya kinodóretiwshileri tárepinen kinofestivalǵa jiberilgen 2000 nan artıq film ishinde Ózbekstan teleradiokompaniyası sistemasındaǵı «O‘zbektelefilm» mámleketlik mákemesi tárepinen islep shıǵarılǵan «Aydınlar» kórkem filmi usı festivalda «Eń jaqsı film» nominaciyasında jeńimpaz boldı.

Kartinanıń scenariy avtorı – ustaz dóretiwshi, belgili jazıwshı Nazar Еshonqul. Kórkem film rejissyorları – Muzaffarxan Еrkinov hám Muzaffar Qarabaev.

Filmniń bas operatorı – Ravshan Mirzakamalov, kompozitor – Muinzada, bas xudojnik – Qahramon Matkarimov, prodyuser – Anvarxan Arifxanov. Tiykarǵı rollerdi Arman Baraxov, Gúljáhán Palwaniyazova, Hayitali Nizomiddinov sıyaqlı aktyorlar atqarǵan.

Sonı da aytıw kerek, 2021-jılı «Aydınlar» filmi Bolgariya kino, televidenie hám internet kommunikaciya akademiyası tárepinen ótkerilgen IX xalıqaralıq kino-festivalda «Gran-Priǵge erisken.

Filmde qaraqalpaq jigitiniń sırt elde oqıp, watanına qaytıwı hám Moynaqta óz muhabbatın ushıratıp, Watandaǵı jańasha ózgerislerdiń gúwası bolıwına baylanısları basınan keshirgenleri sáwlelenedi.

N.Usmonova, ÓzA