Mámleketimizdiń Qazaqstandaǵı Ayrıqsha hám tolıq huqıqlı elshisi Baxtiyor Ibragimov qońsılas mámlekettiń Xalıq banki basqarmasınıń baslıǵı Umit Shayaxmetova menen ushırasıw ótkerdi. Sóylesiw dawamında birge islesiwdiń áhmiyetli baǵdarları dodalandı.
Qazaqstan Xalıq bankiniń basqarma baslıǵı Ózbekstanda ámelge asırılıp atırǵan ekonomikalıq reformalardı joqarı bahaladı. Respublikamızdıń iri investiciyalıq joybarlarında belsene qatnasıwǵa tayar ekenin, bul rejelerdi ámelge asırıwǵa qosımsha resurslardı tartıwdan mápdar ekenin atap ótti. Sonday-aq, usı jıldıń iyun ayında bolıp ótetuǵın Tashkent xalıqaralıq investiciyalıq forumı Sırt elli investorlar keńesiniń jalpı májilisine qatnasıw tilegin bildirdi.
Tárepler elimizge qazaq investorların tartıw, eki mámleket isbilermen toparlarınıń wákilleri qatnasıwında dógerek sáwbetin shólkemlestiriw imkaniyatın da kórip shıqtı.
Bul eki mámlekettiń ekonomikalıq baylanısların bekkemlewge xızmet etetuǵını atap ótildi.
Aziza Alimova,
ÓzAnıń xabarshısı