Farmacevtika ónimleriniń qáwipsizligi orayında usı múnásibet penen ilaj shólkemlestirilip, bul mákemege ISO 9001:2015 xalıqaralıq standart engizilgeni múnásibeti menen Ózbekstan, Ullı Britaniya, Rossiya sertifikatlawshı uyımlarınıń sapa menedjmenti sistemasınıń sertifikatları tapsırıldı.

Oray baspasóz xızmetiniń xabarında atap ótilgenindey, bul tabısqa óz-ózinen erisilgeni joqa. Onıń ushın, bárinen burın, oray jumısına sapa menedjmenti sisteması xalıqaralıq standartlar tiykarında engizildi. Ishki processler jetistirilip, zamanagóy basqarıw mexanizmleri engizildi. Innovaciyalıq process hám texnologiyalıq jańalanıwlar tiykarında tekseriw hám ekspertiza processleri optimallastırıldı. Óz gezeginde, oray qánigeleri usı standart boyınsha mamanlıǵın arttırıp, kvalifikaciyasın jáne de bekkemledi.
– Bul nátiyje Ózbekstan farmacevtika sektorındaǵı reformalardıń jáne bir ámeliy nátiyjesi bolıp, oraydıń jumısın xalıqaralıq standartlarǵa muwapıqlastırıw boyınsha áhmiyetli qádem esaplanadı, – dedi densawlıqtı saqlaw ministriniń orınbasarı Farrux Sharipov. – Qalaberdi, onıń isenimli birge islesiwshi sıpatındaǵı abırayın jáne de bekkemlew baǵdarında, farmacevtika ónimleriniń qáwipsizligin kepilliklew hám qadaǵalaw mexanizmlerin jetilistiriwge xızmet etedi.

Mohigul Qosimova, ÓzA