Birlesken Arab Ámirlikleriniń Dubay qalasında bolıp ótip atırǵan Pútkil jer júzilik húkimeti sammiti (World Government Summit) xalıqaralıq ánjumanı sheńberinde «Future of Education» forumı shólkemlestirildi.

Onda «Bilimlendiriw global ózgerislerge qalay beyimlesedi?» temasındaǵı ministrler panel dodalawı ótkerildi. Ilajda sanlı texnologiyalar ministri Sherzod Shermatov qatnastı.
Panel sessiyada global ózgerisler sharayatında bilimlendiriw sistemasın rawajlandırıw, sanlı texnologiyalar hám jasalma intellektten paydalanıw, sonday-aq, keleshek kásiplerge sáykes kadrlar tayarlaw máseleleri dodalandı.
Ministr Sherzod Shermatov óziniń shıǵıp sóylegen sózinde Ózbekstanda ámelge asırılıp atırǵan joybarlar haqqında sóz etip, bilimlendiriw sistemasın miynet bazarı talaplarına beyimlestiriwge ayrıqsha itibar qaratılıp atırǵanın atap ótti.
Sonday-aq, Ózbekstan húkimeti bilimlendiriwde mámleketlik-jeke menshik sheriklikti rawajlandırıw, IT tarawındaǵı maman kadrlar tayarlawǵa hám jaslardı zamanagóy kásiplerge baǵdarlawǵa úlken itibar qaratıp atırǵanı atap ótildi.
Ilaj dawamında túrli mámleketlerdiń wákilleri bilimlendiriw tarawında óz tájiriybeleri menen ortaqlasıp, zamanagóy texnologiyalar járdeminde bilimlendiriwdiń sapasın arttırıw boyınsha pikir alıstı.

N.Rahmanova, ÓzA