Oman Patshalıǵındaǵı elshimiz Abdusalom Homatov usı arab mámleketiniń mádeniyat, sport hám jaslar isleri boyınsha ministriniń orınbasarı Sayyid Sultan Al-Busaydiy menen ushırastı. Sóylesiw dawmaında hár eki mámlekette bir qatar mádeniy ilajlar shólkemlestiriw máselesi dodalandı.

Milliy banktiń atqarıwshı direktorı Abdulloh bin Zahron Al-Xinoiy menen ushırasıwda bolsa Ózbekstan menen Oman bankleri arasında óz-ara paydalı qatnasıqlar ornatıw imkaniyatı tallandı.
Qatardıń jetekshi turistlik agentlikleri menen birge islesiwdi jolǵa qoyıw maqsetindegi háreketlerdi dawam ettirer eken, Dohadaǵı Ayrıqsha hám tolıq huqıqlı elshimiz Ashraf Xwjaev «Rayan Travel & Tours» hám «Mosafer Travel & Tourism» kompaniyalarınıń bas menedjerleri Zohir Yusuf hám Firos Nattu menen ushırastı. Elimizge kelgen qatarlı turistlerdiń qızıǵıwshılıǵı hám tilegine beyimlestirilgen hár túrli xızmetler, qosımsha qolaylıqlar jaratıw baǵdarındaǵı keń kólemli jumıslar haqqında kútip alıwshılarǵa tolıq maǵlıwmat berildi.
Yaponiyada da Áliysher Nawayı tuwılǵan kúniniń 584 jıllıǵı keńnen belgilendi. Sonıń ishinde, Soka universiteti aymaǵında jaylasqan Áliysher Nawayınıń esteligine gúl qoyıldı.
Bul estelik ózbek hám yapon xalıqları arasındaǵı tariyxıy doslıq baylanıslarınıń tımsalı bolıp esaplanadı.
Tokiodaǵı elshimiz Muhsinhwja Abdurahmonov rektor Suzuki Masashi menen birge islesiwdiń házirgi jaǵdayı hám prespektivası boyınsha sóylesip, qatnasıqlardı jáne de keńeytiwge kelisip aldı.
Sonday-aq, elshixanada yapon turistleriniń aǵımın arttırıw maqsetinde Ózbekstannıń bay turizm potencialı, sırt elliler ushın jaratılǵan qolaylı sharayatlar , infrastruktura hám miymanxanalar haqqında prezentaciya ilajı ótkerildi.
Hindstan. Delidegi elshimiz Sardor Rustamboev Samarqand wálayatı hákiminiń wazıypasın atqarıwshı Adiz Boboev penen onlayn sóylesiw shólkemlestirip, túrli baǵdarlardaǵı qatnasıqlardı jáne de rawajlandırıw, jańa qosımsha joybarlardı ámelge asırıw, eksport kólemin keńeytiw, biznes-forumlar ótkeriw máselelerin dodaladı.
Franciya. Elshi Nodir Ǵaniev Parij qalası meri siyasiy keńesgóyi Jan-Iv Kamyu hám Bas delegattıń xalıqaralıq qatnasıqlar boyınsha orınbasarı Benua Gercbrun menen jumıs babında ushırasıw shólkemlestirdi. Kún tártibinen Tashkent hám Parij qatnasıqların bekkemlew máselesi orın aldı.
AQShtaǵı elshimiz Furqat Siddiqov Mámleketlik xatker járdemshisiniń orınbasarı Jon Mark Pommershaym menen ushırasıp, eki tárepleme keńeytilgen strategiyalıq birge islesiwdiń barlıq baǵdarların hár tárepleme dodaladı. Óz-ara paydalı sheriklikti bekkemlew, bar baslamalardı jáne de rawajlandırıw, jańa imkaniyatlar jaratıw boyınsha pikir alısıldı.

Muharamma Pirmatova, ÓzA