Ózbekstan kóplegen mámleketler menen xalıqaralıq avtomobil tasıwları tarawında birge islesiwdi rawajlandırıp kelmekte.
Transport ministrliginde Xalıqaralıq avtomobil tasıwlar máseleleri boyınsha Ózbekstan-Mongoliya birgeliktegi komissiyanıń májilisi bolıp ótti.
Májiliste avtomobil transportında xalıqaralıq tasıwlardı rawajlandırıw, bul processte miliy tasıwlarǵa qolaylı sharayatlardı jaratıw máseleleri eki mámleket transport ministrliginiń juwapker wákilleri tárepinen dodalandı.
Sonday-aq, tárepler mámleketlerimiz arasında xalıqaralıq avtomobil tasıwlarınıń búgingi jaǵdayı hám onı jáne de rawajlandırıw perspektivaları boyınsha pikir alıstı, delinedi Transport ministrliginiń maǵlıwmatında.
Ushırasıwda xalıqaralıq avtomobil tasıwları tarawındaǵı birge islesiwdi jáne de rawajlandırıw ushın úlken potencial bar ekenligi ayrıqsha atap ótildi. Usı múnásibet penen tárepler 2025-jılǵa mólsherlengen ruqsatnama banklerin 2 esege kóbeytiwge kelisip alındı.
Bunnan tısqarı, júk tasıwlar procesin jedellestiriw maqsetinde mámleketler arasında ruqsatnama blankaların elektron «E-Permit» almasıw sistemasın engiziw menen baylanıslı máseleler dodalandı.
ÓzA