Ózbekstan Respublikası mádeniyat ministri Ozodbek Nazarbekov hám Franciyanıń Ózbekstandaǵı Ayrıqsha hám tolıq huqıqlı elshisi Oreliya Bushez arasında birge islesiw ushırasıwı bolıp ótti.

Ushırasıwda Franciyanıń Off Avignon festivalı járdemshi basshısı Harold David de qatnastı.
Ushırasıw dawamında Ózbekstan hám Franciya arasındaǵı mádeniyat tarawındaǵı baylanıslardıń házirgi jaǵdayı, onı rawajlandırıw, atap aytqanda, 2025-jılı Franciyada Ózbekstan mádeniyatı kúnlerin ótkeriwge baylanıslı shólkemlestiriw máseleleri, Ózbekstan wákilleriniń 2025-jılı Off Avignon festivalında qatnasıwı dodalandı.
Franciyanıń bul festivalı 1966-jılı belgili Avinon festivalı sheńberinde shólkemlestirilgen ǵalabalıq baǵdarlama sıpatında kelip shıqqan hám házirgi kúnde dúnyadaǵı eń iri saxna kórkem óneri festivallarınan biri bolıp esaplanadı. Bul dóretiwshilik joybarda janlı atqarıw tiykarǵı orındı iyeleydi.
Ushırasıw dawamında tárepler 2025-jılǵı Avinon xalıqaralıq teatrlar festivalında birinshi márte Ózbekstan jas tamashagóyler teatrınıń, 2026-jılı bul festivalda Ózbekstan húrmetli miyman mámleket sıpatında qatnsıwına kelisip aldı.

N.Usmonova,
ÓzA