Tashkentte Ózbekstan Respublikası Bas ministriniń orınbasarı – ekonomika hám qarjı ministri Jamshid Qwchqorov Xalıqaralıq qarjı korporaciyası (XQK)nıń Túrkiya hám Oraylıq Aziya boyınsha direktorı Vibke Shlomer basshılıǵındaǵı delegaciya wákilleri menen ushırastı.

Ushırasıwda mámleketlik-jeke menshik sheriklikti rawajlandırıw, mámlekette DXSh baǵdarlamaları tiykarında ámelge asırılıp atırǵan joybarlar, birge islesiw baǵdarların keńeytiw hám jerlerden nátiyjeli paydalanıw máseleleri dodalandı.
Sonday-aq, energetika, jasıl rawajlanıw, densawlıqtı saqlaw, awıl xojalıǵı hám jer resurslarınan paydalanıw tarawlarında birge islesiwdi kúsheytiwge ayrıqsha itibar qaratıldı.
Sóylesiwler dawamında XQK wákilleri mámleketlik- jeke menshik sheriklikti qollap-quwatlawǵa tayar ekenin bildirip, investiciya ortalıǵın jaqsılaw boyınsha alıp barılıp atırǵan jumıslarǵa joqarı baha berdi. Sonday-aq, mámleket qatnasıwındaǵı banklerdi transformaciyalaw hám menshiklestiriw processleri boyınsha pikir alısıldı.
Ushırasıw juwmaǵında tárepler óz-ara birge islesiwdi jáne de rawajlandırıw hám jańa joybarlardı ámelge asırıw boyınsha kelisimge eristi.

N.Ziyodullaeva,
ÓzA