Jaqında Ózbekstan hám Mongoliya birgeliktegi ekonomikalıq komissiyasınıń birinshi májilisi bolıp ótti.
Dáslep eki mámleket Húkimetleraralıq komissiyası basshıları tar sheńberde ushırasıw ótkerdi. Keyingi dodalawlarda Taw-kán sanaatı hám geologiya ministrininiń orınbasarı U.Yusupov qatnastı.
Májilis dawamında awıl xojalıǵı, taw-kán sanaatı, geologiya, azıq-awqat, jeńil sanaat, transport, veterinariya hám sharwashılıq tarawlarındaǵı birge islesiw máseleleri dodalaw orayında boldı. Sonday-aq, perspektivalı joybarlar tanıstırıldı.
Ministrliktiń málimleme xızmetine bola, ushırasıw sońında Ózbekstan Respublikası Bas ministriniń orınbasarı Jamshid Xwjaev hám Mongoliya Bas ministriniń orınbasarı Saynbuyan Amarsayxan birgeliktegi komissiyanıń birinshi májilisiniń protoklına qol qoydı. Hújjet sawda-ekonomikalıq, ilimiy-texnikalıq hám mádeniy birge islesiwdi rawajlandırıwǵa qaratılǵan.

N.Ziyodullaeva, ÓzA